A PÁXINA WEB ESTÁ COMEZANDO A ACTUALIZARSE

Hai uns días comezamos a actualizar a nosa páxina web oficial. Ao longo dos vindeiros meses iremos aportando contidos á maior parte das súas seccións. Visítaa con asiduidade para enterarte das novidades.
O seu enderezo é http://centros.edu.xunta.es/ceipdecedeira/

ENTROIDO 2010

De novo estamos convosco para lembrar o entroido. O tema escollido foron as FESTAS. Así, os de Infantil representaban a Festa da Coca (coas penlas, a danza das espadas, as burras e os cabezudos). O primeiro ciclo de Primaria ía disfrazado de Peliqueiros, uns dos personaxes tradicionais do entroido galego. O segundo ciclo lembrou ao San Fermín. Finalmente o terceiro ciclo de Primaria ía co disfraz de viquingos (aludindo á Festa viquinga de Catoira).

Tamén tivemos un meco. Este ano foi a Gripe A.

O desfile pola parroquia fíxose bastante ben. En varios puntos houbo moitos espectadores/as, o que fixo moita ilusión aos nenos/as.

Ao remate do desfile, de volta no colexio, queimamos o meco, agardando que a Gripe A non volva máis (nin sequera cambiando de letra).

Se algunha familia quere aportar algunha foto do desfile para engadir ás que xa temos, podénola enviar por correo electrónico.

Grazas a toda a comunidade educativa por conseguir, entre todos, unha festa tan fermosa.

MAGOSTO 2009

De novo reiniciamos o contacto con todos/as. E facémolo cunha presentación sobre o Magosto.
Agardemos que vos guste.

XA TEMOS GAÑADOR

Hoxe pola mañá entregamos o ordenador portátil a Iago Martínez, posuidor do boleto co número 1237. Entregámoslle o premio na planta baixa do colexio en presenza do neno que lla vendeu, Pablo de 6º. Noraboa.

NÚMERO PREMIADO NO SORTEO DO PORTÁTIL

No sorteo celebrado na mañá de hoxe, o numero premiado foi o 1237. O interesado/a debe presentar o boleto antes das 9:00 horas do luns día 22 de xuño. Noraboa.

ENQUISAS SOBRE A LINGUA GALEGA

A Federación de ANPAS da provincia de Pontevedra na súa páxina web informa sobre a enquisa que as familias de Galicia están recibindo estes días relativa á presenza da nosa lingua no ensino non universitario. Na web amósase un tríptico sobre a lingua galega elaborado por moitos equipos de normalización lingüística de centros de ensino de Galicia así como a Circular 89/09 de CONFAPA Galicia (que aglutina a 600 ANPAS de centros públicos de Galicia) dirixida a todas as ANPAS e a todos os pais e nais.

SAÍDA FIN DE CURSO

O alumnado de Terceiro Ciclo participará na saída fin de curso que se celebrará na "Granja Escuela El Kiriko" entre o luns 15 e o mércores 17. Alí, ademais de pasalo moi ben, realizarán diversas actividades de coñecemento da natureza, o ciclo da auga, o ciclo da la, etc.