A PÁXINA WEB ESTÁ COMEZANDO A ACTUALIZARSE

Hai uns días comezamos a actualizar a nosa páxina web oficial. Ao longo dos vindeiros meses iremos aportando contidos á maior parte das súas seccións. Visítaa con asiduidade para enterarte das novidades.
O seu enderezo é http://centros.edu.xunta.es/ceipdecedeira/

MAGOSTO 2009

De novo reiniciamos o contacto con todos/as. E facémolo cunha presentación sobre o Magosto.
Agardemos que vos guste.

NÚMERO PREMIADO NO SORTEO DO PORTÁTIL

No sorteo celebrado na mañá de hoxe, o numero premiado foi o 1237. O interesado/a debe presentar o boleto antes das 9:00 horas do luns día 22 de xuño. Noraboa.

SAÍDA FIN DE CURSO

O alumnado de Terceiro Ciclo participará na saída fin de curso que se celebrará na "Granja Escuela El Kiriko" entre o luns 15 e o mércores 17. Alí, ademais de pasalo moi ben, realizarán diversas actividades de coñecemento da natureza, o ciclo da auga, o ciclo da la, etc.

NOVO SORTEO DO PORTÁTIL

No caso de que non apareza o agrazado/a no sorteo celebrado o día 2 de xuño, antes das 14 horas do día 17, farase un novo sorteo o xoves, día 18 ás 9:05 horas da mañá, na planta baixa do colexio. O sorteo será público.

OBRADOIRO DE ANIMACIÓN

Os días 4 e 5 de xuño, dous monitores (Jorge e Juan) do Consorcio Audiovisual de Galicia viñeron ao colexio para realizar un Obradoiro de Animación co alumnado de 4º, 5º e 6º. É unha das actividades que se realiza dentro do programa Audiovisual nas aulas, no que entrou este curso o colexio.

Entre todos/as fixeron unha parte dunha curtametraxe que se completará en colaboración cos outros centros participantes na experiencia. Esta película pretende fomentar a doazón de órganos.

Debuxaron os decorados en papel, pasáronos a cartoliña, recortáronos e fixeron a animación tomando imaxes e movendo pouco a pouco os personaxes.

É moi fácil!

SORTEO DO PORTÁTIL

Na tarde de hoxe celebrouse na planta baixa do colexio o sorteo do ordenador portátil. O número que resultou agraciado é o 0391.

O posuidor/a do boleto ten quince días para reclamar o seu premio. Noraboa!

DÍA DO LIBRO

O pasado 23 de abril celebramos o día do Libro no colexio.
O día anterior visitaranos Chus Pereiro, que nos veu falar da súa obra ¡Mama- siña, que medo!
Esta obra vai ser represen- tada polos rapaces/as do obradoiro de teatro do colexio nos festivais das Letras Galegas dos días 15 e 16 de maio.

O día 23 fixemos dous actos adicados ao teatro. Neles os nenos e nenas fixeron pequenas representacións das cales vos ofrecemos varias imaxes.

A SEMANA DO LIBRO

Comezamos unha semana especial: a semana do libro. O xoves día 23 de abril realizaremos varios actos no colexio para lembrar esta data. Neste ano adicaremos os mesmos ao teatro. Primeiro o alumnado de Educación Infantil e máis tarde o alumnado de Primaria pasarán pola Biblioteca para realizar pequenas escenificacións, teatro lido, etc. Farase unha exposición de libros de teatro e tamén haberá actividades especiais organizadas polas mestras encargadas da Biblioteca.
O mércores 22 recibiremos no colexio á autora da obra teatral (Mamasiña, que medo!) que o alumnado do Obradoiro de Teatro vai representar no Festival das Letras Galegas: Chus Pereiro. Estará cos nenos e nenas de 4º, 5º e 6º.
Felices lecturas para todas e todos!

CAMPAMENTOS DA LANZADA 2009

A Deputación Provincial de Pontevedra convoca os Campamentos da Lanzada 2009 para nenos/as nados entre 1996 e 2001. As bases e follas de solicitude e inscrición aparecen na páxina da Deputación. Para máis información podédesvos dirixir ao Concello (servizos sociais) e ler atentamente as bases que aparecen na páxina web.

ACTIVIDADES PARA A SEMANA

Esta semana teremos moitas actividades. O martes, o alumnado de 3º ciclo participará nunha nova xornada do Deporte na escola. Será no Pavillón de Chapela.

Entre o mércores e o xoves os nenos/as de Infantil 4 e 5 anos, e os de 1º, 2º e 3º de Primaria visitarán o Xardín Arboretum Caixa Galicia, sito en Samil (Vigo). Se facedes clic no enlace anterior poderedes descargar un arquivo con fotografías de gran beleza.

O mércores o alumnado de 3º, 4º, 5º e 6º asistirá no Edificio Multiusos de Redondela a unha obra de teatro que pretende sensibilizar a todas e todos da importancia de utilizar correctamente os antibióticos.

NACE A GALEGA-2

Esta semana comezou a emitir de xeito oficial a segunda canle da galega, a G-2. Ten dúas franxas de programación infantil, unha á hora de xantar e outra arredor das seis da tarde. Neste enlace podedes ver o vídeo promocional desta nova canle que só se pode ver a través do TDT.